انا بفتخر انى كنت من الجيل اللى عاش طفولته فى اواخر
التسعينات لحد 2005 ، الجيل اللى لحق اخر الايام الحلوة و البسيطه جيل كرتون القناة الاولى و التانيه و اول جزء من عائله ونيس و بوجى وطمطم و عمو فؤاد و مازنجر وسلاحف النينجا وكابتن ماجد والباور رينجرز و عروستى ، ..... احنا اللى عيشنا من غير موبايل وكنا بردوا على اتصال ببعض ، إحنا آخر جيل كان بيقضى وقت فراغه فى قراءة قصص : رجل المستحيل و نوسه لوزة تختخ عاطف محب و ميكى وغيرها احنا جيل تاكسى السهره و مواقف وطرائف و عالم البحار و العلم والايمان للدكتور مصطفي محمود و اليوم المفتوح يوم الخميس و احنا اللى كنا بنستنى الفيلم الاجنبى كل خميس ع القناة التانية و الشعراوى بعد صلاه الجمعه ، احنا اللي كنا بنلاقى الربع جنيه ف الكارتيه و الشيبسى و نعد نرج فى كل اكياس كرتونه الشيبيى عشان نلاقى الكسبان احنا آخر جيل عرف طعم النوم في الطفولة على صوت حدوته من امهاتنا بعيد عن الموبايل واللاب توب والدش ، احنا اللى كنا عايشين من غير فيس بوك و لا تويتر ولا سكاى بى على عكس دلوقتى الطفل اللى عنده 5 سنين موبايل و نت و عارف مراحل فى التكنولوجيا معرفنهاش الا بعد 16 سنه !
الخلاصه مواليد التسعينات دول اخر الاجيال النضيفه و البسيطه